ኣመሪካዊ ተዋሳኣይን ተዋዛያይን ለዚሊ ጆርዳን ዓሪፉ

ኣመሪካዊ ተሽላሚ ሽልማት ኤሚ ዝኾነ ተዋሳኣይን ተዋዛያይን ለዚሊ ጆርዳን ኣብ 67 ዓመት ዕድሚኡ ብሓደጋ መኪና ኣብ ሃሊዉድ ክፍለ-ግዝኣት ካሊፎርንያ ከም ዝዓረፈ መሓውራት ዜና ሓቢሮም።

ተወላዲ ክፍለ ግዝኣት ተነሲ ዝኾነ ላዚሊ ጆርዳን ብናይ ተለቪዥን ምርኢት ዋዛ (ኮመዲ) ዊልን ግረይስን ጋሻ ተዋሳይ ብምዃን ኣብ 2005 ሽልማት ኤሚ ተዓዊቱ እዩ።

ኣብ ቀረባ'ዉን ኮል ሚ ኬት (call me Kat) ኣብ ዝብል ናይ ተለቪዥን ምርኢት ቀሪቡ ነይሩ'ዩ።

ለዚሊ ጆርዳን ድሕሪ እቲ ናይ 2021፡ ዕጽዋ ለበዳ ኮቪድ19 ኣብታ ዝተወልደላ ክፍለ ግዝኣት ጥቃ ስድርኡ ብምዃን ኣብ ኢንስተግራምን ቲክ ታክን ናይ ውልቁ ቪድዮታት ብምዝርጋሕ ዘይተሓስበ ብዙሓት ሰዓብቲ አፍርዩ እዩ።