ኣብ ኢትዮጵያ ድሕሪ ሞት ህቡብ ድምጻዊ ሃጫሉ ሁንደሳ ብዝቐጸለ ህውከት ቁጽሪ ዝሞቱ ሰባት ልዕሊ 80 በጺሖም።
ስነ ስርዓት ቀብሪ ድምጻዊ ሃጫሉ ሁንዴሳ ኣብ ዝተወልደላ ከተማ ኣምቦ ኣብ ዝርከብቤተ ክርስትያን ገዳመ እየሱስ ሎሚ ሓሙስ ተፈፂሙ።ሎሚ ኣብ ዝተኻየደ ስነ-ስርዓት ቀብሩ፥ 2 ሰባት ተቐቲሎም ኣለዉ።
ኣብ ስታዲዮም ዩኒቨርስቲ ኣምቦ ኣብ ዝተኻየደ ናይ ምፍናው ስነ ስርዓት ብምኽኒያት ስግኣት ፀጥታ ውሑድ ቁፅሪ ዘለዎ ሰብ ከምዝተረኸበ ሓው ንሃጫሉ ሃብታሙ ሁንዴሳ ንድምጺ ኣሜሪካ ገሊፁ።
ብኻልእ ዜና ኣቦ ወንበር ኮሚሽን ሕብረት ኣፍሪቃ ሙሳ ፋቂ ኣብ ኢትዮጵያ ህድኣት ክሰፍን ተማሕፂኖም።ኣብታ ሃገር ድሕሪ ሞት ሃጫሉ ሁንዴሳ ኣብ ቀረባ ዝማዕበሉ ጉዳያት ብቐረባ ይከታተሉዎ ከምዘለው ብምሕባር እቲ ህውከት ናይ ብርክት ዝበሉ ሰባት ህይወት ከምዘጥፍአን ከምዘቑሰለን ሓቢሮም።
[Read] H.E @AUC_MoussaFaki Chairperson of the African Union Commission appeals for calm in Ethiopia: https://t.co/HZYlmgfu4H#Ethiopia pic.twitter.com/gksWUQPJyO
— African Union (@_AfricanUnion) July 2, 2020
ንመዋቲ ፅንዓት ዝተመነዩ ሙሳ ፋቂ ኩሎም ኢትዮጵያዊያን ነቲ ኩነታት ዘጎሃህር ስጉምትታት ካብ ምውሳድ ክቑጠቡ ፀዊዖም ኣለው።