ትካል እግሪ ምትካል ትግራይ (ትእምት) ተፀዋዕነቱ ንቤት ምኽሪ ክልል ትግራይ ክኸወን ተወሲኑ

መቐለ — 

ሓላፊት ቢሮ ርክብ ህዝብን መንግስትን ትግራይ ወይዘሮ ልያ ካሳ ቤት ምኽሪ ክልል ትግራይ ኣብ ዘካየዶ ጉባኤ ትእምት ተፀዋዕነቱ ናብቲ ቤት ምኽሪ ክኸውን ከምዝተወሰነ ተዛሪበን።

መተሓዳዳሪ ደንቢ ትካል እግሪ ምትካል ትግራይ (ትእምት) ንብረትነት እቲ ትካል ናይ ህዝቢ ትግራይ ብምዃኑ መሰረት ቦርድን ቤት ምኽሪን እቲ ትካል ብዘመሓላለፎ ውሳኔ መሰረት ተፀዋዕነት እቲ ትካል ንቤት ምኽሪ ክልል ትግራይ ክኸውን ሎማዓንቲ ውሳነ ተመሓላሊፉ።

ሓላፊት ቢሮ ርክብ ህዝብን መንግስትን እቲ ክልል ትግራይ ወይዘሮ ልያ ካሳ ቤት ምኽሪ ትግራይ ዘካየዶ ጉባኤ ጠሚቱ ኣብ ዝሃብኦ መግለፂ ትእምት ተፀዋዕነቱ ንቤት ምኽሪ ትግራይ ክኸውን ወሲኑ ኢለን።

ሓላፊት ቢሮ ርክብ ህዝብን መንግስትን እቲ ክልል ትግራይ ወይዘሮ ልያ ካሳ

ቅድሚ ሐዚ ህዝቢ ብፍላይ መናእሰይን ሙሁራንን እቲ ትካል ብመሰረት መተሓዳደሪ ደንቡ ተፀዋዕነቱ ንህዝቢ ክኸውን ክሓተቱ ፀኒሖም እዮም ድሕሪ ምባል ብመሰረት እዚ ተፀዋዕነት ትእምት ኣብቲ ክልል ላዕለዋይ ስልጣን ህዝቢ ንዝኾነ ቤት ምኽሪ ክኸውን ተወሲኑ ኢለን።

ወይዘሮ ልያ ኣብ ቤት ምኽሪ ትእምት ኣባለት ዝኾኑ ድማ ኣፈ ጉባኤታት ኣብያተ ምኽሪ ወረዳታት፣ መቐለን ክፍላተ ከተማ ክኾኑ ከምዝተወሰነን ካልኦት እውን ኣባላት እቲ ቤትምኽሪ ክኾኑ ተወሲኑ ኢለን።

መግለጺ ሓላፊት ቢሮ ርክብ ህዝብን መንግስትን ትግራይ ወይዘሮ ልያ ካሳ

ቅድሚ ሐዚ ትእምት ተፀዋዕነቱ ንቦርድን ቤትምኽሪን እቲ ትካል ዝነበረ ኮይኑበዚ ድማ ኣሰራርሕኡ ግልፂ ኣይኮነን ብዝብል ካብ ዝተፈላለዩ ኣካላት ሕቶ ይለዓል ነይሩ እዩ።

ትእምት ካብ ዝምስረት 24 ዓመታት ዘቑፀረ ትካል እዩ።