ሱዳን ክታበት ቫይረስ ኮሮና ምቕባላ ኣፍሊጣ

ሱዳን ኣብ ማእከላይ ምብራቕን ሰሜናዊ ኣፍሪቃን ክታበት ኮሮናቫይረስ ዝተቐበለት ፈላመይቲ ሃገር ኮይና።

ሎሚ ረቡዕ 800 ሺሕ ዓቐን ክታበት ምህርቲ ኣስትራዚንካ ካርቱም ኣትዩ`ሎ።

እቲ ክታበት ብሰራሕተኛታት ጥዕናን ልዕሊ 45 ዓመት ዝኾኑ ጸገም ጥዕና ዝጸንሖምን ክጅምር`ዩ ከምኡ ድማ ኣብ ተኣፋፊ ቦታታት ዝርከቡ ሰባት ቀዳምነት ክውሃቦም`ዩ ተባሂሉ`ሎ።

ሚኒስትርጥዕና ሱዳን ዑመር መሓመድ ኤልናጊብ ኣብቲ እዋን፡ ሱዳን ኣብቲ ዞባ ክታበት ዝተቐበለት ቀዳመይቲ ሃገር ንምዃን ዝሰርሑ ኩሎም መሻርኽቲ ምስጋናና ንገልጽ ኢሉ`ሎ።

ኣብ ቀርኒ ኣፍሪቃ፡ ኢትዮጵያ`ውን ን9 ሚልየን ሰባት ዝኸውን ክታበት ኮቪድ ክሳብ ወርሒ ሚያዝያ ከምትቕበል ኣብ ዝሓለፈ ምጽብጻብና ይፍለጥ።