ዋሽንግተን —
ኣብዚ ኣብ ዋሽንግተን ዲሲን ከባቢኣን ዝነብሩ ኣባላት ማሕበረሰብ ተወላዶ ትግራይ ቅድሚ ሒደት መዓልታት ዋሽንግተን ዲሲ ኣብ ዝተኻየደ ኣኼባታት ዓለምለኸ ትካላት ገንዘብ ብምርካብ ኣብ ልዕሊ ህዝቢ ክልል ትግራይ ይፍፀም ኣሎ ዝበሉዎ ግፍዕታት ብምግላጽ ንመንግስቲ ኢትዮጵያ ልቓሕ ከይውሃብን ካልእን እገዳታት ብምሕታት ኣብ ዋሽንግተን ዲሲ ኣብ ዝርከቡ ኣብያተ ፅሕፈት ባንኪ ዓለምን ዓለምለኸ ትካል ገንዘብን ብምርካብ ናይ ተቓውሞ ድምፆም ኣስሚዖም ኣለው።
ኣባላት ማሕበረሰብ ተወላዶ ኣምሓራ እውን ኣብ ክልል ኦሮሚያ ምዕራብ ወለጋ መንነት ዒላማ ዝገበረ ዝበሉዎ ግፍዒ ምፍፃሙ ጋዜጠኛታትን ተሓለቕቲ ሰብኣዊ መሰላትን ብዘይኣግባብ ይእሰሩ ኣለው ብምባል: ሰልፈኛታት ንኣመሪካ ሓዊሱ ዓለምለኸ ማሕበረሰብ ስጉምቲ ክወስዱ ብምትሕስሳብ ትማሊ ሰኑይ ኣብ ቤተ መንግስቲ ዋይት ሃውስ ድምፆም ኣስሚዖም።