መንግስቲ ሱዳን ኣብ ዞባ ዳርፉር ኣዋጅ ህጹጽ እዋን ኣዊጁ 

ዋሽንግተን — 

መንግስቲ ሱዳን ኣብ ክልተ ከተማታት ዞባ ዳርፉር ድሕሪ ዝተላዕለ ግጭት ናይ ህጹጽ እዋን ኣዋጅ ኣብቲ ዞባ ምእዋጁ ኣገልግሎት ዜና'ታ ሃገር ሱና ሓቢሩ።

ኣብ ዞባ ዳርፉር ተዋፊሩ ዘሎ ሰራዊት ሕብረት ኣፍሪቃን ሕቡራት ሃገራት ድሕሪ ኣብ ከተማ ኩቱም ተራእዩ ዝተባህለ ምቕጻል ኣብያተጽሕፈት ፖሊስ ናብቲ ቦታ ምውፋሩ ተገሊጹ'ሎ። ብዛዕባ'ቲ ዘጋጠመ ግጭት ግን ዝርዝር ሓበሬታ ኣይተወሃበን።

ኣብ ዝሓለፈ ሰሙን ነበርቲ ወታሃደራዊ ኣመሓደርቲ ክፍለ ግዝኣታት ብሲቪላዊ ኣመሓደርቲ ክትክኡ ዝጽውዕ ሰልፊ ምክያዶም ይዝከር።

ብካልእ ወገን ኣገልግሎት ዜና ሮይተርስ ዘዘራረቦ ነባሪ ኣብ ከተማ ፋታናብሮ ብሶኑይ ዝነበረ ኮፍ ናይ ምባል ኣድማ ሚሊሻ ምብታኖም ስዒቡ ግጭት ምልዓሉ ይሕብር።

ብዛዕባ ክልቲኡ ፍጻመታት ግን ዝርዝር ሓበሬታ ኣይተረኸበን።