ስእነት ስራሕ መንእሰያት ክልል ትግራይ

ዓዲግራት — 

ኣብ ክልል ትግራይ 60 ሚእታዊት ካብ መናእሰይ’ቲ ክልል ስራሕ ዘይብሎም ምዃኖም ሓላፊ ቢሮ ጉዳይ መናእሰይ ኣይተ ሓይሽ ስባጋድስ ገሊፆም።

ዕድል ስራሕ ንመናእሰይ ንምፍጣር ዝግበር ፃዕሪ እኳ እንተሃለወ በቲ ክሳብ ሕጂ ዝተዓመ ግን ዕግበት ከምዘይብሎም ኣይተ ሓይሽ ወሲኾም ይሕብሩ።

158-ሽሕ ዝኮኑ መናእሰይ ኣብ ዝተፈላለዩ ዓውደ ስራሕ ንምውፋር ከምዝተፈተነ ብዘይ’ካ እዚ ብውልቆም እውን ኣብ ስራሕ ሕርሻን ካልእን ዝተዋፈሩ ከምዘለው ኣይተ ሕስይሽ ስባጋድስ ይገልጹ።

ኣብ ዞባ ምብራቅ ከተማ ዓዲ ግራት ተወዲቦም ስራሕ ዝተፈጥረሎም መናእሰይ እውን ዕጉባት ከምዘይኾኑ ንድምጺ ኣመሪካ ይገልጹ።