እተን በዓልቲ ስልጣን ዩስኤኣይዲ ኣብ ኣዲስ ኣበባ ምስ ድምጺ ኣሜሪካ ኣብ ዘካየድኦ ቃለ-መጠይቅ ብደርቂ ንዝተጎድኡ ኢትዮጵያዊያን ዘድሊ ሓገዝ ንምትእክካብ ደረጃ’ቲ ደርቂን ምንቅስቃስ ረድኤትን ከምዝረኣያ ገሊጸን።
ኣብ ኣሜሪካ ዓለም'ለኸ ትካል ምትሕብባር ረድኤት ዩኤስኤኣይዲ ናይ ዲሞክራሲ ጎንጽን ሰብኣዊ ረድኤትን ተተካኢት ተሓሓጋዚት ኣመሓዳሪት ዲና ኤስፔስቶ ከምዝበልኦ ሃገረን ዝለዓለ ሓገዝ ምሃባ ገሊጸን። ዛጊት ልዕሊ ፍርቂ ቢሊዮን ዶላር ሓገዝ ከምዝሃበትን እዚ ካብ ናይ ዝሓለፈ ዓመት ኣዝዩ ዝለዓለ ምኳኑ ገሊጸን።
'ኣሜሪካ ካብ ዝሓለፈ ዓመት ዝሃበቶ ረድኤት መግቢ ሰለስተ ዕጽፊ ዝኸውን ሎሚ ዓመት ሂባ’ላ። ምኽንያቱ ዘድሊ መጠን ረድኤት ዝለዓለ'ዩ። ልዕሊ 10 ሚሊዮን ሰባት ህጹጽ ረድኤት መግቢ፡ 6 ሚሊዮን ሰባት ቀረብ ማይ፡ 1.7 ሚሊዮን ሰባት ኸአ ቀረብ ዘርኢ፡ ልዕሊ 2.1 ሚሊዮን ሰባት ኸአ ጉድለት ዝተመጣጠነ መግቢ ከምዘለዎም ንፈልጥ ኢና። እቲ ጸገም ክሳብ ክንደይ ዝኸፍአ ምኳኑ ዝነግሩና ብዙሓት ኣሃዛት ኣለው’ ኢለን።
እዚ ህጹጽ ምላሽ ምሃብ የድሊ ምኽንያቱ ሳዕቤኑ ዝገደደ’ዩ ዝኸውን ስለዚ ዘድሊ ንምግባር ኣበርቲዕና ክንሰርሕ ኢና። ኣሜሪካ ተወሳኺ ሓገዝ ክትህብ’ያ ካልኦት ለገስቲ'ውን ተመሳሳሊ ስጉምቲ ክወስዱ ንጽውዕ። መንግስቲ ድማ ምሳና ክተሓባበር ንጽውዕ ኣለና ኢለን።
ምሉእ ትሕዝቶ ኣብዚ ምስማዕ ይክኣል።
Your browser doesn’t support HTML5
ዩኤስኣይዲ(USAID) ተወሳኺ ሓገዝ ንብደርቂ ዝተጠቕዓ ክፋላት ኢትዮጵያ ክህብ'የ ኢሉ