ፕረዚደንታዊ ሕጹያት ኣመሪካ ንፈላማይ ክትዕ ይዳለዉ

መዓልቲ ምርጫ ኣመሪካ ክልተ ኣዋርሕ ኣብ ዝተረፈሉ እዋን፣ ፕረዚደንታዊ ሕጹያት ዶናልድ ትራምፕን ካማላ ሃሪስን፣ ንፈላማይ ክትዕ ይቀራረቡን ብዛዕባ ቁጠባ ኣብ ወፍሮም ደጋጊሞም ይዛረቡን አለው።

ዶናልድ ትራምፕ፣ ወፍሮም ኣብ ልዕሊ ቁጠባን ካማላ ሃሪስን ኣተኩሩ ኣሎ።

ብዛዕባ ካማላ ሃሪስ ንፈልጦ ነገር እዚ እዩ። "ብዛዕባ ህዝቢ ኣመሪካ ተገዳስነት ዘይብላ ሰብ እያ። ብሕልፊ ብዛዕባ ጻዕራማት ወይካኣ ማእከላይ እቶት ዘለዎም ኣመሪካዊያን። ብዛዕባኩም፣ ፈጺማ ዘይስቆራ ሰብ እያ።"

ደምበ ወፍሪ ካማላ ብወገኑ "ዶናልድ ትራምፕ ንጻዕራማት ስድራቤታት እናጎድአ፣ ንኮርፖሬት ግና ግብሪ ንክንጎድለሎም ወጢኑ ዘሎ" ይብል።

ምሉእ ትሕዝቶ ኣብዚ ምስማዕ ይክኣል።