ወፍሪ ምርጫ ትራምፕ ኣብ መርበብ ሓበሬታ ዘጋጠመ መጥቃዕቲ፡ናይ ሃሪስ ድማ ኣብ ምትራፍ ግብሪ ካብ መቑሽሽ የተኩር

ፕረዚደንት ነበር ዶናልድ ትራምፕ ሓደ ካብ ወፍሪ ምርጫ የካይዱሎም ዘለው መርበባት ሓበሬታ መጥቃዕቲ ከምዘጋጠሞ ኣፍሊጦም። ምኽትል ትራምፕ ንክኾኑ ዝተመዘዙ ጀይ ዲ ቫንስ ትማሊ ሰንበት ሓያሎ ቃለ-መሕትት ብምሃብ ንዴሞክራሲያዊያን ፕረዚደንታዊ ሕፁያት ኣጥቂዖም። እዚ ከምዚ ኢሉ ከሎ ምኽትል ፕረዚደንት ካመላ ሃሪስን ቲም ዎልስን ኣብ ቁጠባ ብምትኳር ጎስጓስ ኣካይዶም።

ሪፓብሊካዊ ፕረዚደንታዊ ሕፁይ ዶናልድ ትራምፕ ብዛዕባ ኣብ መርበብ ሓበሬትኦም ዘጋጠመ መጥቃዕቲ ብቕድሚ ትማሊ ቀዳም ኣብ ማሕበራዊ መራኸቢኦም ድሕሪ ምዝርግሖም ወፍሪ ምርጫ ትራምፕ ተጨውዩ ዝብል ኣርእስተ ዜና ኮይኑ ቀፂሉ ኣሎ።

እቲ ንሶም ዝዘርግሕዎ ሓበሬታ ከምዚ ዝብል እዩ ኔሩ። ‘’ሓደ ካብቶም ብዙሓት መርበብ ሓበሬታትና ብመንግስቲ ኢራን መጥቃዕቲ ከምዘጋጠሞ ብኮርፐረሽን ማይክሮሶፍት ተነጊሩና ኣሎ’’ ይብል። ሰበስልጣን ኢራን ግን ነቲ ኽሲ ነፂጎምዎ ኣለው።

ምሉእ ትሕዝቶ ኣብዚ ምስማዕ ይክኣል።