ኣብ ኣመሪካ ግዝኣት ሳውዝ ካሮላይና ንካልኣይ ግዜ ትሮፒካዊ ህቦብላ ኣጋጢሙ

ዋሽንግተን — 

ኣብ ኣመሪካ ግዝኣት ሳውዝ ካሮላይና ክልተ ጊዜ ዝተራእየ ህቦብላ ናብ ምብራቓዊ ክፋላት'ታ ሃገር የምርህ ምግላው ተሓቢሩ'ሎ። ብመሰረት ኣሶሴይትድ ፕረስ ዛጊት ሸውዓተ ሰባት ብሰንኪ`ቲ ሓያል ዝናብ ህይወቶም ስኢኖም ኣለዉ። ሃገራዊ ማእከል ሀሪከይን ከም ዝሓበሮ እቲ 'ደቢ' ዝብል ሽም ዝተዋህቦ ህቦብላ ዝናብ ክሳብ`ዚ ቀዳመ ሰንበት ኣብ ዘሎ ግዜ ክሳብ ግዝኣት ቨርሞንት ኣብ ዝዝርጋሕ ምብራቓዊ ክፋላት ውሕጅ ከስዕብ ከም ዝኽእል ኣጠንቂቑ`ሎ። ደቢ መባእታዊ ደረጃ ሓይሊ ሒዙ ዝሓለፈ ሰኑይ ንወሽመጥ ግዝኣት ፍሎሪዳ ሃሪሙ ኔሩ`ዩ።

ኣብ ክፍለ- ግዝኣት ጆርጅያ`ውን ከባብታት ምምሕዳር ሳቫና`ውን ኣርባዕተ ዝኾነ ሓጽብታት መሊአን ፈሲሰን`የን። ልዕሊ75 ዝኾኑ ሰባት ግን ካብ ሓደጋ ከም ዝደሓኑ ኣሶሸይትድ ፕረስ ገሊጹ።

ንሰሜን ኣብ ግዝኣት ኦሃዮ ድማ ኣስታት 270-ሺሕ ነበርቲ ብዘይ ሓይሊ ኤለክትሪክ ተሪፎም ኣለዉ።

ኣብ ክፍለ- ግዝኣታት ኖርዝ ኮሮላይና ቨርጂንያ ከምኡ ሜሪላንድ ናይ ህጹጽ ሓደጋ መጠንቀቕታ ተመሓላሊፉ`ሎ።