መንግስቲ ክልል ትግራይ ብገበን ግዕዝይና ጠርጢሩ ዓሚ ዝኣሰሮም ሰብ ሃፍትን ሰራሕተኛታት መንግስትን ዛጊድ ፍርዲ ኣይረኸቡን::
ካብ ህዝቢ ንዝረኸቦ ሕቶታት መሰረት ብምግባር ግርማይ ገብሩ ንሓላፊ ቢሮ ፍትሒ ክልል ትግራይ ንኣይተ ተስፋ ኣለም ይሕደጎ ሓቲቱ’ሎ ::
እቶም ሰብ ሃፍቲ ናብ መንግስቲ ኣታዊ ክገብሩዎ ዝነበሮም ግቡእ ብዘይ ምፍፃሞም ከምዝተኸሰሱ ኣብዚ ድማ መንግስቲ ጭቡጥ መረዳእታ ከምዘለዎ እቶም ሓላፊ ተዛሪቦም::
“ሓደ ካብ መንጎ እቶም ተኸሲሶም ዘለዉ ሰለስተ ሰብ ሃፍቲ ካብ 70 ክሳብ 80 ሚልዮን ቅርሺ ናብ መንግስቲ ኣታዊ ክኸውን ዝነበሮ ገንዘብ ኣታዊ ዘይገበረ ዝተጭበርበረ መረዳእታ ዝሓዘ እዩ” ይብሉ ኣይተ ተስፋኣለም::
ካብ ወገን መንግስቲ እውን ታሕተዎት ሰራሕተኛታት ጥራሕ እንተይኮነስ ላዕለዎት ሰበ ስልጣናት እውን ተኸሲሶም ገሊኦም ተፈሪዱዎም ገሊኦም ካዓ ፍርዲ ይጽበዩ ኣለዉ ብምባል ይዛረቡ::
ዋላ እቲ ኸይዲ ምፅራይ እንተደንጎየ መንግስቲ ነቶም ሰብ ሃፍቲ መረዳእታ ሒዙ እምበር ንቐደም ኣሲሩ ኣይኮነን ናብ ምፅራይ ዝኣተወ እንትብሉ ንምዝንጋዕ እቲ ኸይዲ ዘበልዎ ምላሽ ሂቦም::
ትግራይ ሕጊ ኣኸቢሩ ክሰርሕ ንዝመጽእ ፍርቂ መንገዲ ኸይዱ ዝቅበል መንግስታዊ ኣሰራርሓ ዝተኸተለ ኣካይዳ ዘለዋ መሬት እምበር ሃፍታም ዘብህርረላ ዓዲ ኣይኮነትን ኢሎም ኣይተ ተስፋ ኣለም ይሕደጎ::