ዋሽንግተን —
ኣብ ምብራቃዊ ስጳኛ ብዘጋጠመ ምዕልቕላቕ ውሕጅ 72 ሰባት ሞይቶም።ኣብ ደቡባዊን ምብራቃዊን ክፋል እታ ሃገር ትማሊ ሰሉስ ዝሃረመ ብርቱዕ ዝናብ ጎደናታት’ታ ሃገር ብውሕጅ ምዕልቕላቖም ንስርዓት መጉዓዝያ’ታ ሃገር ምጽላው ሰብ-መዚ’ታ ሃገር ኣፍሊጦም ኣለው።
ስጳኛ ኣብዚ ወቅቲ ከምዚ ዓይነት ኩነታት ኣየር ኣቐዲማ’ውን ኣጋጢምዋ እንተነበረ ኣብ ዝሓለፈ ክልተ መዓልታት ዝተራእየ ግን ምስቲ ኣብ ጀርመንን ቤልጀመን ኣብ 2021 ዘጋጠመ 230 ሰባት ዝሞትሉ ምዕልቕላቕ ውሕጅ ዝመሳሰል ከምዝኾነ ይግለጽ ኣሎ።
ካልኦት ዞባታት ጸብጻብ ግዳያት ከቕርቡ ምስ ዝጅምሩ ቁጽሪ ግዳያት ክውስኽ ከምዝኽእል’ውን ሰብ-መዚ የጠንቕቑ ኣለው።