ተመራማራይን ሓረስታይን ኪዳኑ ግርማይ

ማእኸል ምርምር ሕርሻ ትግራይ ካብ ውሽጥን ወፃእን ሃገር ዝረኸቦም ውፅኢታት ቴክኖሎጂ ብቕንዕና ብምቕባልን እቶት ዘሰስኑ መይላታትን ብምትግባር ኣብ ወረዳ ሓውዜን ጣብያ ደብረ ብርሃን ኣብነታዊ ሓረስታይ ምዃኖም ኣረጋፆም ኣለዉ፡፡

ተመራማራይ ሓረስታይ ኪዳኑ ኣብ ቀረባ እዋን ኣብ ኣየርላንድ ኣብ ዝተኻየደ ዓለም ለኸ ዋዕላ ተግባራዊ ምርምር ተሳቲፎም እዮም፡፡ ኣብቲ ዋዕላ ምስ ተወከልቲ ለሴቶን ማላውን ከምኡ’ውን ምስ ካብ ካልኦት ሃገራት ዝመፁ ሓረስቶት ተመኩሮ ተለዋዊጦም እዮም፡፡

ሓረስታይ ኪዳኑ ዓመታዊ እቶት ብምርካብ ውሕስና መግቢ ስድረኦም ብተግባር ዘረጋገፁ ሓሙሽተ ደቆም ኣምሂሮም ናብ ዝላዓለ ደረጃ ስራሕ ዘሰጋገሩ ህርኩት ገባር እዮም፡፡

ብዋናነት ኣብ ፍርያት ድንሽን ሽኮር ድንሽን፣ ኮሚደረን ሽጉርትን፣ ስርናይን ስገምን፣ ትሩንጕን ኣራንሽን፣ ንህብን ምሩፃት ዓሌት ከፍትን ኣድሂቦም ይሰርሑን ሓደሽቲ መይላታት ሕርሻ ግብራዊ ይገብሩን ኣለዉ፡፡

Kidanu Girmay