ቀ/ሚ ኣብይ ኣህመድ ምስ ፕረ.ዘለንስኪ ብቴሌፎን ተራኺቦም ኣብ ዝተፈላለዩ ዛዕባታት ዘትዮም

ዋሽንግተን — 

ፕረዚደንት ዩክሬን ቮሎደሚር ዘለንስኪ፣ ሃገሮም ንኢትዮጵያ ብተበግሶ ‘ብላክ ሲ ግረይን’ ኣስታት 300 ሽሕ ቶን፣ ብተበግሶ 'ግረይን ፍሮም ዩክሬን’ ድማ 90 ሽሕ ቶን ከምዝለገሰት ኣፍሊጦም።

ፕረዚደንት ዘለንስኪትማሊ ሓሙስ ምስ ቀ/ሚ ኣብዪ ኣሕመድ ኣብ ዝነበሮም ናይ ቴለፎን ዝርርብ ኣገዳስነት ምውጻእ ሩስያ ካብ ውዕል ምቅራብ እኽሊ ኣልዒሎም ነይሮም።

ንሶም ወሲኾም ሩስያ ትፍጽሞ ኣላ ዝበልዎ ዘይሕጋዊ ምኽልካል መራኽብ፣ ደብዳብ ወደባትን ትሕተ ቅርጺን ዩክሬን ምስ’ቶም ቀ/ሚ ከምዝዘተይሉ ጠቂሶም።

ቀ/ሚ ኣብዪ ኣብ ዝፈነውዎ ናይ ትዊተር መልእኽቲ ምስ ፕረዚደንት ዘለንስኪ፣ ንዞባዊን ዓለምለኻዊን ጉዳያት ኣልዒሎም ከምዝዘተዩን ከምኡ'ውን ኣብ ሞንጎ ሩስያን ዩክሬን ሰላም ዝሰፍነሉ መገዲ ከምዝተዘራረቡ ገሊጾም።