ዋሽንግተን —
ምሩጽ ፕረዚደንት ዶናልድ ትራምፕ ዓቃቢ ሕጊ ክፍለ ግዝኣት ፍሎሪዳ ዝነበረት ፓም ቦንዲ ካብ መዝነት ዋና ዓቃቢ ሕጊ ኣመሪካ ብፍቃዶም ንዝለቀቑ ማት ጌትዝ ክትክኦ ከምዝመዘዝዋ ተገሊጹ።
ናይ ትራምፕ ናይ ነዊሕ እዋን መሓዛ ትባሃል ፓም፣ ንሶም ኣብ ዝተኸሰስሉ ፈለማ መጋባእያ ጠበቐኦም እያ ነይራ። ንሳ፣ ኣብ ልዕሊ ትራምፕ ንዝቀረቡ ክሲታት በላሕ ነቓፊት’ውን እያ።
ፓም ቦንዲ፣ ምስ’ቲ ብሰራሕተኛ ምምሕዳር ትራምፕ ዝነበረ ውልቀሰብ ዝተመስረተ ትካል ቀዳማይ ፖሊሲ ኣመሪካ፣ ከም ኣደ መንበር ኮይና ከምዘገልገለት’ውን እያ።
ማት ጌትዝ፣ ብሰንኪ ኣብ ልዕሊኡ ዝቀረቡ ጥርጣረታት ፌደራላዊ ክሲ ጾታዊ ተግባራት፣ ንናይ’ዛ ሃገር ላዕለዋይ ቤት ዕዮ ኣኽባሪ ሕጊ ንምምራሕ ብቤት ምኽሪ ተቀባልነት ኣይክረክብን እየ ካብ ዝብል ተበጊሱ ካብቲ መዝነት ምንስሓቡ ይፍለጥ።