ዝላዓለ ነጥቢ ረኺቦም ዝተመረቁ ተማሃሮ ኢትዮዽያን ኤርትራን

ንሙሉእ‘ቲ ቃለ-መጠይቅ‘ቲ ዕላል ኣዳምጹ

ሎም-ዘበን ካብ ዩኒቨርስቲ መቀለ 52 ኤርትራውያን ዝርከብዎም ኣሻሓት ተማሃሮ ብዲግሪን ብዲፕሎማን ተመሪቆም‘ለው።እዞም ኤርትራውያን ኣብ መዕቆቢ ስደተኛታት ሰሜን ኢትዮዽያ ተሓፂሮም ንንውሕ ዝበለ ጊዜ ዝተቀመጡ‘ዮም ነይሮም።

መንግስቲ ኢትዮዽያ ምስ ሕ/ሃ ብመሰረት ዝተፈራረሞ ውዕል ዕድል ትምህርቲ ዝረኸቡን ናብ ዩኒቨርስታት ዝኣተውን ኤርትራውያን ክምረቁ እቶም ፈላሞት‘ዮም።

እቶም ስደተኛታት ናብ ዩኒቨርስቲታት ኣኽሱም፣መቀለን ኣዲሳበባን ከምዝኣተውን ስነ-ስርዓት ምረቃ ኣብ‘ዚ ቀረባ ክፍፀም ከሎ ገሊኦም ብዝላዓለ ውፅኢት ወይ ነጥቢ ተመሪቆም‘ለው።

ንሎሚ ብዝላዓለ ውፅኢት ካብ ሞንጎ ዝተመረቁ ንኣርባዕተ ተማሃሮ፣ክልተ ኤርትራውያንን ክልተ ኢትዮዽያውያንን፣ኣጋይሽ መደብ ህዝቢ ምስ ህዝቢ ንክኾኑ ዓዲምናዮም‘ለና።