ንቤት-ምኽሪ ከተማ ኦክላንድ ዝወዳደሩ ዘለው ኣፍሪቃዊያን ኣመሪካዊያን

ኣብዚ ዝመጽእ ሰሙን ዝካየድ ምርጫ ኣመሪካ፡ ክልተ ካብ ኣፍሪቃ ዝመጹ ኢሚግራንት ድማ ንከተማ ኦክላንድ ካሊፎርንያ ይወዳደሩ ኣለዉ። ሜሮን ሰመዳር ኣብ ኤርትራ ተወሊዱ ዝዓበየን ቅድሚ 12 ዓመታት ናብ ኣመሪካ መጽዩ ዜግነት ዝወሰደን ተሓላቒ ስደተኛታት ክኸውን ከሎ፡ ባባ ኣፎላቢ ድማ ኣብ ናይጀርያ ተወሊዱ ዝዓበየን ኣብ መጀመርያ 90`ታት ናብ ኣመሪካ ዝመጸን በዓል-ሞያ ንግዲ`ዩ።

ክልቲኦም ኣብ ቤት ምኽሪ ከተማ ኦክላንድ መንበር ንምሓዝ ዝወዳደሩ ኮይኖም፡ ሜሮን ሰመዳር ሕጽረት ኣባይቲ ኣብ ምቅላል ዝሓሸ ሓሳብ ኣለኒ ክብል ከሎ፡ ባባ ኣፎላቢ ድማ ናእሽቱ ኣብያተ ንግዲ ኦክላንድ ንምብርባር ዝሓሸ ፍልጠት ኣለኒ ይብል።