ኣብ ኦጋደን ኣብ`ዚ ሰሙን`ዚ ግጭት ምንባሩ ክልቲኦም ወገናት ኣረጋጊጾም

እቲ ግጭት ዘጋጠመ ኣብቲ ቻይናዊ ኩባንያ ነዳዲ ዳህሳስ ዘካይደሉ ኸባቢ`ዩ። ኩነታቱ፡ ክልቲኦም ወገናት ብበሊሕ ይፈላለዩ።

ግንባር ሓርነት ኦጋደን፡ ኣብ`ቲ ብሰሉስ ዝተኻየደ ኹናት ኻብ ፍሉይ ብርጌድ መንግስቲ 25 ወተሃደራት ቐቲለ ይብል። እቶም ወተሃደራት፡ ንጉጅለ ዳህሳስ ፐትሮትራንስ ዓጂቦም ኸምዝመጹን፡ ንሓረስቶት`ቲ ኸባቢ፡ ኣብ መስመር ዳህሳስ ኢኹም ዘለኹም ብዝብል ምስምስ ኻብ መሬቶም ኸምዘርሓቕዎምን ኦብነግ ይጠቅስ።

ወሃቢ-ቓል መንግስቲ ኢትዮጵያ ኣቶ ሽመለስ ከማል፡ “ዝተለምደ ሓሶት`ዩ” ብምባል፡ ዕጡቓት ኦብነግ ንሲቪላዊ ዒላማታት ኸምዘጥቅዑን፡ ብኸባቢያዊ ሚልሻ ተመኪቶም ኸቢድ ክሳራ ከምዝወረዶምን ገሊጾም።

ኣብ ኦጋደን፡ ቻይናዊ ኩባንያ ፐትሮትራንስ፡ ዳህሳስ ነዳዲ የካይድ ከምዘሎ`ውን ተዛሪቦም ኣቶ ሽመልስ።

ንምሉእ ጸብጻብ ኣብ ምልክት ድምጺ ጠውቑ፡