ሰለስተ ተመራመርቲ ዓውዲ ኬሚስትሪ ተዓወቲ ሽልማት ኖበል ኮይኖም

ነቲ ሽልማት ዝህብ ትካል ጠቕላሊ ጸሓፊ ጎራን ሃንሶን ካብ ከተማ ስቶክሆልም ሎሚ ረቡዕ ብዝሃብዎ ሓበሬታ ጃከስ ዱቦችት፡ጃኮም ፍራንክን ሪቻርድ ሄንደራስ ንዓውዲ መለክዩል ስነ ህይወታዊያን ንምምዕባል ብዘበርኸትዎ ስርሓት ዝተሸለሙ ምኳኖም’ውን ሓቢሩ።

ንሳቶም “ሰለስተ መዓዝናዊ ምስሊ” መለክዩል ስነ ህይወታዊያን ብምምሃዞም ዝተሸለሙ ምኳኖም’ውን ተፈሊጡ’ሎ።

እቲ ትካል ብተወሳኺ በሰንኪ እዚ ምህዞ ተመራመርቲ ንቀመማዊ ባህርይ ስነ ህይወታዊያን ብድራቕ ኣብ ዝተፈላለዩ መጽናዕትታት ክጥቐመሉ ከምዝኽእሉ ገሊጹ፡ እዚ ድማ ኣብ ህይወት ሰባት ዘሎ ቀመማዊ ባህርያትን ንምርዳእን ኣብ ቅመማ መድሃኒትን ዓብይ አበርኽቶ ዝገብር ምኳኑ ኣረዲኦም።