104 ስደተኛታት ካብ ማያት ሊብያ ምድሓኖም ተሓቢሩ

ዋሽንግተን — 

ዘይመንግስታዊ ትካል ሜድስን ሳን ፍሮንቲንስ ትማሊ ሶሉስ ካብ ሊብያ ብወገን ሰሜን ኣብ ዓለምለኸ ማያት ማእኸላይ ባሕሪ 104 ስደተኛታት ምድሓኖም ሓቢሩ። መብዛሕትኦም እቶም ስደተኛታት ካብ ናይጀርያ፡ ሊብያን ኢትዮጵያን ዝመጹ ምኳኖም’ውን ተፈሊጡ’ሎ።

104 ስደተኛታት ካብ ማያት ሊብያ ድሒኖም

እቶም ስደተኛታት ኣብ ክልተ ናይ ዕንጨይቲ ጀላቡ ተጻዒኖም ከምዝነበሩን ትሕቲ ዕድመ ህጻናትን ነፍሰ ጾር ደቂ ኣንስትዮ ከምዝርኸብዎምን ተፈሊጡ’ሎ።

እዚ ናይ ህይወት ኣድሕን ስርሒት ሓደ መዓልቲ ድሕሪ ዋዕላ ሃገራት ኣውሮጳን ኣፍሪቃን ንምቕባል ሕቶ ዑቕባ ካብ ቻድን ኒጀርን ዝስደዱ ሰባት ኣብ ፓሪስ ምስምማዕም’ዩ ።