413 ስደተኛታትን ፍልሰተኛታትን ካብ ማእኸላይ ባሕሪ ድሒኖም

እቶም ስደተኛታትን ፍልሰተኛታትን ድሕሪ ተደጋጋሚ ስርሒት ህይወት ኣድሕን ናብ ደቡባዊት ከተማ ሪጎ ካላብርያ ምብጽሖም ብተወሳኺ ተፈሊጡ’ሎ።

ካብቶም ስደተኛታትን 270 ደቂ ተባዕትዮ፡ 58 ደቂ ኣንስትዮ 85 ድማ ትሕቲ ዕድመ ህጻናት ክኾኑ ከለው መብዛሕትኦም ዜጋታት ሃገታት ትሕተ ሰሃራ ኣፍሪቃን ባንግላዴሽ እዮም።

እዚ ከምዚ ኢሉ ከሎ ሚኒስትር ውሽጣዊ ጉዳያት ጣልያን ማርኮ ሚኒቲ ምስ ናይ ጀርመንን ፈረንሳይ መዛንኦምን ኮሚሽን ጉዳይ ስደተኛታትን ሕብረት ኣውሮጳ ዲሚትሪ ኣባርማፓውሎስ ተራኺቦም ክዘራረቡ ትጽቢት ይገበር።

ገለ ጸብጻባት ከምዝሕብርዎ ቁጽሪ ኣብ ዝሓለፈ ዓመታት ማእኸላይ ባሕሪ ኣቋሪጾም ጣልያን ዝበጽሑ ስደተኛታትን ፍልሰተኛታትን ኣብ መወዳእታ ዓመተ 2017 - 220,000 ክበጽሕ’ዩ ክብሉ ይግምቱ።