110 ስደተኛታት ካብ ገማግም ባሕሪ ሊብያ ምድሓኖም ተገሊጹ

ዋሽንግተን — 

ኤስኦኤስ ሜዲተራንያን ዝተባህለ ሓገዝ ወሃቢ ትካል ካብ ገማግም ባሕሪ ሊብያ 38 ኪ.ሜ ርሕቐት ትጥሕል ኣብ ዝነበረት ጀልባ ዝነበሩ 110 ስደተኛታት ምድሓኖም ሓቢሮም።

ዋንናታ ናይቲ ሓገዝ ወሃቢ ትካል ዝኾነት ኣኳየስ ዝተባህለት መርከብ ኣስታት 280 ካብ ማእከላይ ባሕሪ ዝደሓኑ ስደተኛታት ሒዛ ትማሊ ሶኑይ ኣብ ወደባዊት ከተማ ሲሲሊ ምእትዋ ተሓቢሩ’ሎ።

110 ስደተኛታት ካብ ገማግም ባሕሪ ሊብያ ምድሓኖም ተገሊጹ

ኣብ ዝሓለፈ ኣዋርሕ ቁጽሪ ካብ ሊብያ ተበጊሶም ማእከላይ ባሕሪ ብምቁራጽ ኣውሮጳ ንምብጻሕ ዝፍትኑ ስደተኛታት ዝጎደለ እንተኾነ ካብ ዝሓለፈ ሰሙን ወርሒ መጋቢት ጀሚሩ ግን ብዝሒ ዘለዎም ስደተኛታት ማእከላይ ባሕሪ ብምቁራጽ ኣውሮጳ ክበጽሑ ከምዝፈተኑ ላዕለዋይ ኮሚሽነር ትካል ስደተኛታት ሕቡራት ሃገራት ይገልጽ።

ኣብዚ ወርሒ መጋቢት ጥራይ 426 ሓለዋቶም ዘይተፈልጠ ሰባት ከምዘለው እቲ ትካል ወሲኹ የረድእ።