ካብ ቱኒዝያ ተበጊሶም ናብ ወደባት ሲሲሊ ዝኣትው ቁጽሪ ስደተኛታት ይውስኽ ምህላው ተገሊጹ

ዋሽንግተን — 

ካብ ቱኒዝያ ተበጊሰን ማእኸላይ ባሕሪ ብምቁራጽ ኣብ ወደባት ሲሲሊ ሎኖሳን ላምባዱሳን ዝኣትው ቁጽሪ ስደተኛታት ዝጸዓኑ ናይ ዕንጨይቲ ጀላቡ ይውስኽ ምህላው ተገሊጹ።

ምስሊ ረቡዕ መስከረም 6,2017 ዓ.ም ኣብ ገማግም ከተማ ኣጊጀንቶ ዝኣተው ኣስታት 50 ዝኾኑ ስደተኛታት ካብተን ጀላቡ ወሪዶም ናብ ገማግም ባሕሪ ክጎዩ የርእይ።

ካብ ቱኒዝያ ተበጊሶም ናብ ወደባት ሲሲሊ ዝኣትው ቁጽሪ ስደተኛታት ይውስኽ ምህላው ተገሊጹ

ብመሰረት ካብ ሰበ ስልጣን ኢጣልያ ዝተረኽበ ሓበሬታ ቁጽሪ ካብ ሳባርታ ሊብያ ተበጊሶም ማእኸላይ ባሕሪ አቋሪጾም ኢጣልያ ዝኣትው ስደተኛታት ብ65 ሚእታዊት ምጉዳሉ ይገልጹ። እዚ ቁጽሪ ምስ ዝሓለፈ ክልተ ዓመታት ብምንጽጻር ኽከውን ኸሎ ሳባርታ ቀንዲ መበገሲ ስደተኛታት ኮይና ኣብዚ ሕጂ እዋን ግን ካብዚ ቦታ ዝብገሱ ስደተኛታት ዘየለው ምኳኖም ይግለጽ አሎ።

ክላውድዮ ሎምባርዶ ሓላፊ ማረኣሚኮ ዝተባህለ ንአከባቢ ዝሕለቕ ትካል ኮይኑ ኣብ ዝሓለፈ ካብ ሊብያ ዝብገሳ ጀላቡ ምሸት ናብቲ ገማግም ባሕሪ ከምዝበጽሓ ሕጂ ግን እቲ መንገዲ ምስ ተዓጸወ ስደተኛታት ካብ ጎረቤት ቱኒዝያ ክብገሱ ከምዝጀመሩን ኣብ ሰዓታት ቀትሪ ናብቲ ገማግም ባሕሪ ክበጽሑ ከምዝጀመሩ ይገልጽ።