ዓለምለኸ ቤት ፍርዲ ገበን እስላማዊ ጥሩግ ጉጅለ ማሊ ኣብታ ሃገር ንዘመናት ዘጸንሑ ሃይማኖታዊ ህንፃታት ብምዕናው 3.2 ሚሊዮን ዶላር ካሕሳ ክኸፍል ኣዚዙ።
ኣሕማድ ኣል-ፋቂ ኣል-ማሕዲ አባላት እዚ ጥሩፍ ጉጅለ ኣብ 2012 ዓ.ም ንሰሜን ማሊ ንሓፂር ግዜ ኣብዝተቖፃፅሩዋ እውን ኣብ ጥንታዊ ከተማ ዝነበሩ ትሽዓተ ህንፃታትን መስጊዳትን ብቡልዶዘር ክፈርሱ ኣዚዙ ብዝብል ኣብ ዝሓለፈ ዓመት ገበነኛ ኮይኑ ተረኺቡ።
Your browser doesn’t support HTML5
ዓለምለኸ ቤት ፍርዲ ገበን ጥሩፍ ጉጅለ ማሊ ናይ 3.2 ሚልዮን ዶላር ካሕሳ ክኸፍል አዚዙ
እቲ ቤት ፍርዲ እቲ ዕንወት ሃይማኖታዊ ትካላት ከም ገበን ኲናት ብምትእንጋድ ኣል-ማሕዲ ንትሽዓተ ዓመት ማእሰርቲ ፈሪዱ።
እቶም ናይ እምነት ህንፃታት ብ14 ክፍለ ዘመን ዝተሰርሑን ብናይ ሕቡራት ሃገራት ትካል ቅርስታት/ዩኔስኮ/ ናይ ዓለም ቅርሲ ኢሉ ዝመዝገቦም ኮይኖም ዩኒስኮ ድሒሩ ነቶም ሓውልትታት ከምዘሕደሶም’ውን ተፈሊጡ’ሎ።