ቁጽሪ 'በኒሊን ፐዲያትሪክ' ዝተባህለ ናይ ቆልዑ ሽሮብ ዝኣገዳ ሃገራት ይውስኽ

ኬንያ ነተን ኣቐዲመን ንሽሮቦ 'በኒሊን ፐዲያትሪክ' ዝኣገዳ ከም ታንዛንያ፡ ስዋቲኒ፡ ሩዋንዳ፡ ደቡብ ኣፍሪቃን ዚምባብወን ዝበላ ሃገራት ኣፍሪቃ ዝተጸንበረት ዳሕረወይቲ ሃገር ኮይና`ላ።

ቦርድ ፋርማሲን ኬንያ ኣብ ዝሃቦ መልእኽቲ፡ እቲ ሽሮቦ ገሊኡ ክፋሉ ዘይተጻረየ ንጥረ ነገራት ስለዘለዎ ኣብታ ሃገር ከይከፋፈል ኣዚዙ`ሎ።

እቲ ፍርያት ጆንሰን አንድ ጆንሰን ዝኾነ ሽሮቦ ኣብ 2021 ብኣርባዕተ ጽዕነት ናብ ኬንያ ዝኣተወ ከም ዝኾነን፡ ብድምር 44-ሺሕ ዩኒት ምዃኑን ተፈሊጡ`ሎ።

ምስ ናይጀርያዊ መዘንኡ ኮይኑ ዝተዛረበ ዳይሬክተር ቦርድ ፋርማሲ ኬንያ ኣንተኒ ቶሮይቲክ እቲ ንቆልዑ ዝውሃብ ሽሮቦ መርዛማ ንጥረ ነገር ክህልዎ ከም ዝኽእል ሓቢሩ`ሎ።