ኣብ ኣፍሪቃ ምዝመዛ ጉልበት ህፃናት ንምንካይን ንምውጋድ ክብ ዝበለ ፃዕሪ ይደልይ ኣሎ ተባሂሉ

ሎሚ ኣብ አዲስ አበባ ዝተኻየደ ብሸነክ ደቡብ ትሕተ ሰሃራ ኣፍሪቃ ኣብ ዝርኸባ ሃገራት ንዘሎ ምዝመዛ ጉልበት ቆልዑን ግዱድ ስራሕን ብዝምልከት ኣብ ዝዝትይ ናይ ክልተ መዓልቲ ኣኼባ ናይ መኽፈቲ መደረ ዘስምዑ’ቶም ሚኒስተር ሰራሕተኛታትን ማሕበራዊ ጉዳይ ኢትዮጵያ አቶ ዓብዱልፈታሕ ዓብዱላሂ ካብ ግዱድ ስራሕ ዓለም ካብ ዓለምለኸ ትካል ሰራሕተኛታትን ዝተረኽበ ሓበሬታ ብምጥቃስ ኣብ ኣፍሪቃ 3.7 ሚልዮን ደቂ ተባዕትዮን ደቂ ኣንስትዮን ቆልዑትን ግዳያት ግዱድ ስራሕን ምዝመዛ ጉልበትን እዮም ኢሎም።

ካብ 5-17 ዓመት ዝዕድሚኦም 58 ሚልዮን ቆልዑ ኸአ ምዝመዛ ጉልበት ይፍጸሞም ኢሎም።

ንሶም ብምቅጻል ኣብ ኣፍሪቃ ኣብ ዝሓለፈ ኣርባዕተ ዓመታት ምዝመዛ ጉልበት ቆልዑ ብ10 ሚእታዊት ጎዲሉ’ዩ ግን ጉልበት ምዝመዛ ቆልዑ ንምንካይ ካብኡ ሓሊፉ’ውን ንምውጋድ ዝያዳ ስራሕ የድልይ ኢሎም።

ምሉእ ትሕዝቶ ኣብዚ ምስማዕ ይክኣል።

ኣብ ኣፍሪቃ ምዝመዛ ጉልበት ህፃናት ንምንካይን ንምውጋድ ክብ ዝበለ ፃዕሪ ይደልይ ኣሎ ተባሂሉ