መንእሰይ ግርማይ ተኽለ ወለዱ ስለዝተጸገሙ ዘዕብዮን ዝናድዮን ምስ ሳኣነ ናብ ጎደና ወጽዩ ተፀጊሙ ይነብር ነይሩ:: ብ1999 ዓ/ም ናብ ማሕበር ተራድኦ ወገን ንወገን ኣትዩ ክሕገዝን ትምህርቱ ክቕፅልን ከም ዝኻኣለ ይገልጽ:: ግርማይ ኣብ ኮሌጃት ኣቪሲንያን ሚለንየምን ብፋርማስን ነርሲን ሰልጢኑ ኣብ ዝሐዚ እዋን ብሞይኡ ተቖጺሩ ይሰርሕ’ሎ::
ብተወሳኺ ድማ ንሱ ‘ውን ብግዲኡ ንወገኑ ክእብድ ቤት ንቤት ብምኻድ ኣብ ቅድመ ጥንቃቐ ዝተመስረተ ትምህርቲ ዝህብ ትካል ኣጣይሹ’ሎ::
ሳሚኤል ሚኪኤለ ድማ ወላዲኡ ብሰንኪ ሞት ስኢኑ ወላዲቱ ኣይፈልጠንን ምስ እኖሓጉኡ እዩ ዓብዩ:: ኮይኑ ግና ምስ እነ እምበይትኡ ክሳነ ስለዘይካኣለ ናብ ጎደና ወፅዩ ክሓድር ከም ዝጀመረ ይዛረብ:: ሻምናይ ክፍሊ እናሃለወ ናብ ወገን ንወገን ኣትዩ ኣብ ዝሐዚ እዋን ኣብ ዩኒቨርሲቲ መቐለ ቀዳማይ ዓመት ተምሃራይ ምህንድስና እዩ::
ክልቲኦም መንኣሰይ ኩሉ ወገን ፀጊምዎም ናብ በረንዳ ወፅዮም ሓሳረ መከራ ንዘሕልፉ ዘለዉ ወገናቱ ክሕግዝን ፀዊዖም::
ማሕበር ወገን ንወገን ኣብ ከተማ መቐለ ቅድሚ ሸወዓተ ዓማውቲ ኣቢሉ ዝተጣየሽ ዘይመንግስታዊ ትካል’ዩ:: ፍልፍል ኣታዊኡ ድማ ካብ ዝተፈላለዩ ሓገዝቲ ሰባትነ ትካላትን ዝርከብ ገንዘብን ንዋትን ከምዝኾነ ይፍለጥ:: ኣጣይሽን ዋና ኣማሓዳርን እቲ ትካል ኣይተ ቴዎድሮስ ኣሱሌ ይባሃሉ::