ንኢትዮዽያን ቁጠባዊ ኩነታታን ዝዳህሰሰ መደብ

ቁጠባ ኢትዮዽያ ኣብ‘ዘን ዝሓለፋ ሸውዓተ ዓመታት፣ብማእከላይ መዐቀኒ ዓመታዊ ዓሰርተ ሚእታዊ ይዓቢ‘ሎ።እንተኾነ ሲሶ ህዝቢ ኢትዮዽያ ሎሚ‘ውን ትሕቲ ጠርዚ መዐቀኒ ድኽነት‘ዩ ዝርከብ።

ኣብ ኢትዮዽያ ኣማኻሪ ፕሮግራም ምዕባለ ሕ/ሃ (UNDP) ሚስተር ሳሙኤል በዋልያ“ ብመንፅር ምዕባለ፣ኢትዮዽያ ካብ ኣዝዩ ዓሙቅ ደረጃ ድኽነት‘ያ ተበጊሳ።ናይ ሸውዓተ ዓመታት ተኸታታሊ ምዕባለ፣ዘምፀኦ ለውጢ ዳኣ ኣበይ ኣሎ ኢልና ክንሓትት እንተጀሚርና፣ሓቂ ንምዝራብ ንሃፅፅ ኣለና ማለት‘ዩ“ ይብል።

ኣብ‘ዚ ቀረባ ዝዓረፉ ቀ/ሚ መለስ ዜናዊ፣ንድኻታት ንምሕጋዝ ይኽተልዎ ብዝነበረ ፖሊሲ ይናኣዱ ነይሮም።ኣብ‘ዘን ዝሓለፋ ሸውዓተ ዓመታት፣መጠን ድኽነት ኣብ ኢትዮዽያ፣ብዓሰርተ ሚእታዊ ነክዩ‘ዩ።

ኢትዮዽያ፣ሎም-ዘበን‘ውን ቁጠባኣ ብዓሰርተ ሚእታዊ ክዓቢ‘ዩ ትብል።ባንኪ ዓለምን ትካል ገንዘብ ዓለምን ግና፣ነቲ ኣሃዛዊ መጠን ነክዮም፣ቁጠባ ኢትዮዽያ ብሸውዓተ ሚእታዊ ሎም-ዘበን ከምዝዓቢ ይገልፁ።

ኣዳምጹ