ፕረዚደንት ኢሳይያስ ኣፈወርቂ ምስ ቀዳማይ ሚኒስተር ኣቢይ ኣሕመድ ኣብ ካይሮ ኣብ ዝተጋብአ ዋዕላ ጎረባብቲ ሃገራት ሱዳን ተራኺቦም፡ ኣብ ክልተኣዊን ዞባዊን ጉዳያት ምዝርራቦም ኣማኻሪ ጸጥታ ቀዳማይ ሚኒስተር ኣምባሳድር ሬድዋን ሑሴን ብመገዲ ትዊተር ኣመልኪቱ። ከም ሓበሬታ እቲ በዓል ስልጣን፡ ፕረዚደንት ኢሳይያስ ኣብ ቀረባ እዋን ንኢትዮጵያ ክበጽሕ መደብ ተታሒዙ ኣሎ። መቓን ግዜ ናይ ዑደት ፕረዚደንት ግን ኣይተነጸረን።
Prime Minister Abiy & President Isaias met in Cairo and held cordial discussion regarding bilateral issues and crisis in Sudan. The two leaders also vowed to further deliberate on bilateral matters during H.E. President Isaias%27s visit to be made soon. pic.twitter.com/JdtySkFmMi
— Redwan Hussien (@RedwanHussien) July 13, 2023
ሚኒስተር ዜና ኤርትራ ኣቶ የማነ ገብረመስቀል’ውን ክልተኦም መራሕቲ ዓሚቝ ዝርርብ ከም ዘካየዱ ትማሊ ኣብ ትዊተር ሓጺር ሓበሬታ ጠቒሱ ነይሩ።
President Isaias Afwerki also met, in the evening hours yesterday, Prime Minister Dr. Abiy Ahmed and held extensive discussions on the crisis in the Sudan. pic.twitter.com/eU1tbnTm9C
— Yemane G. Meskel (@hawelti) July 13, 2023
ዑደት ፕረዚደንት ኢሳይያስ፡ ኲናት ክልል ትግራይ ካብ ዝጅምር ናይ ፈለማ’ዩ ክኸውን። ኣቐዲሙ ኣብ መንጎ ክልቲኦም መራሕቲ ኣዝዩ ጥቡቕ ርክብን ምብጽጻሕን ከም ዝነበረ ዝዝከር ኰይኑ፡ ድሒሩ ግን እቲ ዝነበረ ቅርበት በቲ ዝጀመሮ ቅልጣፈ ክኸይድ ከም ዘይጸንሐ ብዙሓት ተዓዘብቲ ዝምስክሩሉ’ዩ። ኣብ ቀረባ ግዜ ጸብጻቡ ወግዓዊ ዝገበረ ሲቪካዊ ማሕበረሰብ ሕብረት ኣፍሪቃ፡ ህላወ ሰራዊት ኤርትራ ኣብ ክልል ትግራይ ገና ካብቲ ንስምምዕ ፕሪቶሪያ ብምሉእ ከይትግበር ዝዕንቅጽ ዘሎ ባእታት ክብል ኣቐሚጡዎ ነይሩ።
መራሕቲ ክልቲኣን ሃገራት ኣብ ካይሮ ኣብ ዝተራኸቡሉ ዝተዛራረቡሉ ኣጀንዳን ብሕጂ ዝጽበዮም መዛራረቢ ኣርእስታትን ግን ኣይተጠቕሰን።