ኣብ ቻይና ብዘጋጠመ ምንቅጥቃጥ መሬት 127 ሰባት ሞይቶም

ኣብ ቻይና ብሰንኪ ዘጋጠመ ምንቅጥቃጥ መሬት ብውሕዱ 127 ሰባት ሙሟቶም መሓውራት ዜና ቻይና ኣፍሊጦም።

እቲ ኣብ ሰሜናዊ ምዕራብ ቻይና `ጋንሱ` ከምኡ`ውን `ቂንጋይ` ኣብ ዝተባህላ ዞባታት ዘጋጠመ ምንቅጥቃጥ መሬት፡ 6.2 ሬክተር ዓቐን ዝነበሮ ክኸውን ከሎ፡ ህንጻታት ኣዕንዩ፡ ልዕሊ 700 ሰባት`ውን ኣቑሲሎ`ሎ።

መንበሪ ኣባይቶም ዝፈረሶም ድማ ሰባት ድማ ኣብ ትሕቲ ተንዳን ኣብ ቁርን ክሓድሩ ተገዲዶም ኔሮም።

ሰራሕተኛታት ድሕነት ብወገኖም ንዘይተረኽቡ ኣብ ምንዳይን ንጉዱኣት መዕቆቢ ኣብ ምሃብን ይጓየዩ ከም ዘለው ካብ ጸብጻባት መሓውራት ዜና ቻይና ንምፍላጥ ተኻኢሉ`ሎ። በቲ ሓደጋ መሬት`ውን ሃሚሙ ሃለዋት 20 ሰባት ከምዘይተፈልጠ ብተወሳኺ ተገሊጹ'ሎ።