ኩነታት አፍሪቃዊያን ስደተኛታት አብ ዝኸፍአ ደረጃ አሎ ተባሂሉ

ዋሽንግቶን — 

መንግስቲ አሜሪካ ምስ ዘሎ ጸገማትን ብድሆታትን ስደተኛታት አብ ዝሓለፈ ዓመት አብ ዝተፈላለየ ፕሮጀክትታት ዝውዕል ናይ 800 ሚሊዮን ዶላር ሰብአዊ ሓገዝ ከምዝሃበን ምስ ሰናይ ልግሲ ባይቶ አሜሪካ ተወሲኹ ከም ዝቅጽለሉ አብ ሚኒስትር ወጻኢ አሜሪካ ምክትል ተሓጋጋዚት ክፍሊ ህዝቢን ስደተኛታትን ካትሪን ወይነር አፍሊጠን።

ንሰን ምስ ሬድዮ ድምጺ ኣሜሪካ መደብ ቴሌቭዥን አፍሪቃ 54 አብ ዘካየደኦ ቃለ-መጠይቕ ነዚ ዝገለጻ ክኾና ከለዋ ኩነታት ስደተኛታት አብ ዝሓለፈ ዓመታት ዝኸፍአ ምህላው ሓቢረን።አብዚ ግዜ’ዚ ቁጽሪ ስደተኛታት አፍሪቃ ናብ 4.8 ሚሊዮን ክብ ምባሉን ቁጽሪ አብ ውሽጢ ሃገሮም ዝተመዛበሉ ድማ 12 ሚሊዮን ምብጽሑን ሓቢረን።

“አብ ዝሓለፈ ሒደት ዓመታት ሓደስቲ ስደተኛታት ካብ ሃገራት ማሊ ደቡብ ሱዳን ናይጀርያ ቡሩንዲ ምስቶም አቀዲሞም ካብ ሃገራት ሶማልያ፡ኤርትራ ዲሞክራሲያዊት ሪፖፕሊክ ኮንጎ ዝጸንሑ ከምዝተወሰኹዎም እዚ ድማ አብ ቀረብ ሰብዓዊ ሓገዝ ህጽረት ፈጢሩ” ይብላ ምስ ካትሪን።

ምሉእ ትሕዝቶ አብዚ ምስማዕ ይኸአል።

ኩነታት አፍሪቃዊያን ስደተኛታት አብ ዝኸፍአ ደረጃ አሎ ተባሂሉ