ናይ BBC ወኪል ሎሚ ንቪኦኤ ኣብ ዘንበቦ መግለጺ፡ እቲ ዘሕለፎ ሪፖርት ብፍላይ ምስ ባንድ ኤይድ ክትሓሓዝ ከምዘይነበሮ ድሕሪ ምግላጽ፡ “ሕወሓት ንረድኤት ጥምየት ተባሂሉ ንዝተኣከበ ገንዘብ፡ ንኻልእ ከምዘውዓሎን፡ ካብ መንጉኡ`ውን ንዝተወሰነ ንመዐደጊ ኣጽዋር ኸምዘውዓሎ ዘረጋግጹ ብርክት ዝበሉ መረዳእታታት ኣለዉ” ይብል።
ኣብቲ ናይ 77 ደርቂ ወተሃደራዊ ኣዛዚ ሕወሓት ዝነበሩ ዶ/ር ኣረጋዊ በርሀ፡ ረድኤት ንመጠናኸሪ ሕወሓት`ዩ ዝውዕል ኔሩ ድሕሪ ምባል፡ ናይ ቢቢሲ ይቕረታ ግን ኣገሪሙለይ`ዩ ይብሉ። “50 ሚእታዊ ንመጠናኸሪ ማለሊት፡ 45 ሚእታዊ ንመካየዲ ስራሕ ሕወሓት፡ 5% ድማ ብደርቂ ንዝተጎድኡ ተባሂሉ ተሸንሺኑ”.
ሎሚ ዘለዉ መራሕቲ ሕወሓት፡ ኣብ ደርቂ 77 ብማሕበረሰብ ዓለም ዝተለገሰ ግዙፍ ረድኤት፡ ህይወት ብዙሓት ኣሸሓት ንምድሓን ኢና ተጠቒምናሉ ይብሉ።
ኣብ`ቲ ዝነበረ መሸጣ-ረድኤት ናይ ዓይኒ ምስክር`የ ዝበሉ ኣቶ ኣማረ ጸጋይ ዝተባህሉ ሰብ ካብ ቦስተን ደዊሎም፡ ኣቶ ገረመድህን ኣርኣያ ዝሃብዎ ምስክርነት ቅኑዕ ምዃኑ ናይ ዓይኒ ምስክር`የ ኢሎም።
ንምሉእ ትሕዝቶ`ዚ ፕሮግራም ንምስማዕ ኣብ ምልክት ድምጺ ጠውቑ