ሓላፊ ጸጥታ ከተማ ሸዋሮቢት ብዘይተፈልጡ ሰባት ተቐቲሎም

ደሴ — 

ሓላፊ ክፍሊ ጸጥታ ምምሕዳር ከተማ ሸዋሮቢት ኣቶ ኣብዱ ሑሴን ትማሊ ሰሉስ 4 ሓምለ 2023 ብዘይተፈልጡ ሰባት ከም ዝተቐትሉ ምምሕዳር'ታ ከተማ ኣፍሊጡ።

እቲ ምምሕዳር ኣብ ማሕበራዊ ገጻቱ ኣብ ዘስፈሮ ናይ ሓዘን መግለጺ ኣቶ ኣብዱ ሑሴን ኣብ ስራሕ መንግስቲ ከለዉ ከምዝተቐትሉ ገሊጹ'ሎ። እንተኾነ ብዛዕባ ውልቀ ታሪኾም ኮነ ኣማውትኦም ዝሃቦ ዝርዝር ሓበሬታ የሎን።

ስሞም ከይግለጽ ዝሓተቱ ገለ ነበርቲ'ታ ከተማ ግን ኣብታ ከተማ ኣብ ዝሓለፈ ሰሙናት ሰላም ህዝቢ ዝህውኽ ድምጺ ተኹሲ ከምዝተሰምዓ ንድምጺ ኣመሪካ ገሊጾም።

ኮሚሽን ሰብ ኣዊ መሰላት ኢትዮጵያ ብዛዕባ ኣብ ክልል ኣምሓራ ዘሎ ኩነታት ጸጥታ ዘለዎ ሻቅሎት ምግላጹ ይዝከር።