ኣብ ኣፍሪቃ ወተሃደራዊ ኣዛዚ ኣመሪካ ጀነራል ሚካኤል ናንግሊ ኣብ ጉዳይ ንተልእኮ ዓቃቢ ሰላም ሶማልያ

ዋሽንግተን — 

ሕብረት ኣፍሪቃ ንተልእኮ ዓቃቢ ሰላም ሶማልያ ወተሃደራት ዝልእኻ ሃገራት መነ፡መን ምዃነን ገና ኣይወሰነን። ነቲ ምድንጓይ ሓደ ምኽንያት ኾይኑ ዘሎ፡ ኢትዮጵያ ኣብቲ ተልእኮ ሰላም ክትኣቱ፡ ሶማልያ ድልየት ስለዘይብላ `ዩ።

ነዚ ወሳነ መበገሲ ድማ እቲ ኣብ መንጎ ኢትዮጵያን ሶማሊላንድን ዝተገብረ ኣሰሓሓቢ ውዕል`ዩ።

ኣብ መንጎ ኢትዮጵያን ሶማልያን ዘሎ ምስሕሓብ እናተረረ ኣብ ዝኸደሉ ዘሎ እዋን፡ ንድምጺ ኣመሪካ ዝተዛረበ ኣብ ኣፍሪቃ ወተሃደራዊ ኣዛዚ ኣመሪካ ጀነራል ሚካኤል ናንግሊ ፡ ኣመሪካ ኣብቲ ጉዳይ ምስግጋር ሓይሊ ኣፍሪቃ ኢድ የብላን ኢሉ`ሎ።