ፓኪስታን -- ነብሰ-ቅትለታዊ መጥቃዕቲ 23 ይቐትል፡ 32 የቝስል

ኣብ ሰሜናዊ ምዕራብ ፖኪስታን፡ ሓደ ውልቀ-ሰብ ኣብ መደበር ፖሊስ ነብሰ-ቅትለታዊ መጥቃዕቲ ብምክያድ ን23 ኣባላት ሓለዋ ቀቲሉ፡ ንኻልኦት 32 ድማ ኣቝሲሉ። በቲ ነብሰ-ቅትለታዊ መጥቃዕቲ እቲ ህንጻ ክዓኑ እንከሎ፡ ኣብ መንጎ ኣባላት ጸጥታን እቶም ኣጥቃዕቲን ብዝተኻየደ ምልውዋጥ ተዅሲ 6 ካብቶም ንመጥቃዕቲ ዝመጽኡ ከም ዝተቐትሉ ኣገልግሎት ዜና ኣሶሸትድ ፕረስ ኣመልኪቱ።

እዚ ኣብ ቀረባ ግዜ ዝኸፍአ መጥቃዕቲ ምዃኑ ዝተነግረሉ መጥቃዕቲ፡ ኣብቲ ከባቢ ብዝነጥፉ “ታሪክ ጂሃድ ፖኪስታን” ብዝተባህሉ ጕጅለ ከም ዝተፈጸመ እቲ ጉጅለ ባዕሉ ኣመልኪቱ ኣሎ። ምስ ኣፍጋኒስታን ኣብ ዘዳውብ ዶባት ፓኪስታን ከምዚ ዝመስል መጥቃዕታት ከጋጥም ዝውቱር እናዀነ’ዩ ክመጽእ ጸኒሑ።