ሱዳን ምጅማር ምምንጫው ኤሌክትሪክ ሓጽቢ ህዳሴ ንዓለምለኸ ስምምዕ ዝጥሕስ'ዩ ክትብል ትከስስ

  • ተወልደ ወልደገብረኤል

ሓጽቢ ህዳሴ ኢትዮጵያ

ሱዳን፡ ኢትዮጵያ ንምምንጫው ሓይሊ ኤለክትሪክ ሓጽቢ ህዳሴ ብምጅማር በይናዊ ስጉምቲ ምውሳዳ ንዓለምለኸ ስምምዕ ጥሒሳ ክትብል ከሲሳ።

ኣባል ተዓዛባይ ጉጅለ ሱዳን ዝኾነ ዑማር ካመል: ሱዳን ንምምላእ`ቲ ሓጽቢ ንኹሉ በይናዊ ስጉምትታት ክትቃወሞ ጸኒሓ`ያ ይብል ።

ግብጺ`ውን ነቲ ምጅማር ምምንጫው ኤለክትሪክ ሓጽቢ ህዳሰ ትማሊ ሰንበት ብተሪር ተቓዊማቶ`ያ።

ሱዳን እቲ ፕሮጀክት ንዓመታዊ ሓደጋ ውሕጅ ከረጋግኣላ ተስፋ ትገብር`ኳ እንተኾነት፡ ናይ ባዕላ ዲጋታት`ውን ከይጉድኡዋ ስክፍትኣ ትገልጽ።