ፈጻሚት ስራሕ ኤምባሲ ኣመሪካ ኣብ ኢትዮጵያ ኮይነን ዝተመደባ ኣምባ. ትሬሲ ኣን ጃኮብሰን ኣዲስ ኣበባ ኣትየን

ላዕለወይቲ ኣባል ኣገልግሎት ጉዳያት ወፃኢ ዝኾና ኣምባሳደር ትሬሲ ኣን ጃኮብሰን ኣብ ኤምባሲ ኣመሪካ ኣብ ኣዲስ ኣበባ ፈጻሚት ጉዳያት ኮይነን ክሰርሓ ተመዲበን ሎሚ ኣዲስ ኣበባ ኣትየን።

ኣምባሳደር ትሬሲ ኣን ጃኮብሰን ኣቐዲመን ኣብ ኮሶቮ፣ታጃኪስታንን ቱርክመኒስታንን ኣምባሳደር ብምኳን፣ኣብ ሚንስትሪ ጉዳያት ወፃኢ ሓላፊት ጉዳያት ዓለምለኸ ትካላት፣ምኽትል ዳይረክተር ኢንስቲዩት ኣገልግሎት ጉዳያት ወፃኢ፣ከምኡ እውን ኣብ ዋይት ሃውስ ናይ ሃገራዊ ቤት ምኽሪ ፀጥታ ምኽትል ፈፃሚ ፀሓፊት ብምዃን ኣገልጊለን እየን ክብል ኣብ መርበብ ሓበሬታ ኤምባሲ ኣመሪካ ኣብ ኢትዮጵያ ዝወፀ ፅሑፍ የመልክት።