ኣፈ ጉባኤ ቤት ምኽሪ ኣመሪካ ንመጥቓዕቲ ኣዘርቤጃን ኣብ ኣርመንያ ኮኒነን

ኣፈ ጉባኤ ቤት ምኽሪ ወከልቲ ህዝቢ ኣመሪካ ናንሲ ፐሎሲ ትማሊ ሰንበት ኣብ ኣርመኒያ ብምብፃሕ ኣዘርባጃን ኣብ ቀረባ ኣብ ልዕሊ ኣርመኒያ ንዝፈፀመቶ መጥቓዕቲ 'ዘይሕጋውን ከቢድን' መጥቓዕትታት ኢለን ብምፅዋዕ ኮኒነንኦ።

ኣብ የረቨን ኣብ ዘስምዕኦ መደረ ኣመሪካ ነዞም መጥቓዕትታት ብትሪ ከምትኹንኖም ልኡላውነት ኣርመኒያ ከም እትድግፍን ንርእሳ ንምክልኻል እንታይ ከም እትደሊ ክፈልጣ ድልየት ከምዘለወንን ሓቢረን።

ኣብቲ ናይ ዶብ ግጭታት ልዕሊ 200 ሰባት ሞይቶም ኣለው።

ፔሎሲ ኣብ ልዕሊ ኣርመኒያ ብኣዛርባጃን ዝተፈፀመ መጥቓዕቲ ኣካል ኣብ ዙሪያ ዓለም ኣብ መንጎ ዴሞክራስን ኣውቶክራሲን ዝካየድ ቓልሲ እዩ ኢለን።

ፔሎሲ ንዝሃብኦ ርእይቶ ካብ መንግስቲ ኣዘርባጃን ዝተውሃበ መልሲ የለን።