ኣመሪካ: ኣብ ኢትዮጵያ ተዋጋእቲ ሓይልታት ተጻብኦታት ደው ከብሉን ልዝብ ከካይዱን ጸዊዓ

ወሃቢ ቃል ሚኒስትሪ ጉዳያት ወጻኢ ኣመሪካ ኔድ ፕራይስ ኣብ ኢትዮጵያ ኣብ መንጎ ይዋግኡ ዘለው ሓይልታት ልዝብን ምቁራፅ ተፃቦታትን ክፈጥሩ ንፅውዕ ኢሎም ።ንሶም ነዚ ዝበሉ ትማሊ ሰሉስ ኣብ ዝሃቡዎ ጋዜጣዊ መግለፂ ቀዳማይ ሚንስትር ኣብይ ሃገራዊ ፃውዒት ኵናት ምእዋጆም ብዝምልከት ተሓቲቶም ኣብ ዝሃቡዎ ርእይቶ እዩ።

ኔድ ፕራይስ ካብ ኣምባሳደር ሳማንታ ፓወር ዝቐረበን ሰበስልጣን ኢትዮጵያ እውን ዝሰምዑዎን ፃውዒት ብምጥቓስ መልእኽትና ክቕፅል እዩ ኢሎም። ሓላፊት ትካል ኣህጉራዊ ምትሕግ ጋዝ ኣመሪካ(USAID) ሳማንታ ፓወር ዝሓለፈ ሰሙን ናብ ኣዲስ ኣበባ ኣብ ዝገሻሉ እዋን ኣብ ዝሃብኦ ጋዜጣዊ መግለፂ ተባራዓይ መደረ ኩሎም ወገናት እቲ ግጭት ንከብቅዕ ናብ ክቢ ጠረጴዛ ክመፁ ከቢድ ይገብሮ እዩ ምባለን ሓቢሮም።

ወሃቢ ቃል ኔድ ፕራይዝ "ንሕና ከም እንሪኦ እቲ ጠመተ ንኹሉ ዝሓወሰ ሰላም ንምፍጣር ብፍላይ ድማ ስቓይ ሰላማዊ ህዝቢ ኢትዮጵያ ንከብቅዕ ልዝብ ክካየድ ኣለዎ" ኢሎም ።