መቐለ —
ህልውና ህዝቢ ትግራይ ኣብ ሓደጋ ንምእታው ይስራሕ ኣሎ ነዚ ምምካት ከምዝተሰርሐን ሐዚ እውን መንግስቲ እቲ ክልል ሰላም ኣብ ምሕላው ብዕቱብ ይሰርሕ ምህላዉ ምክትል ርእሰ ምምሕዳር ክልል ትግራይ ዶክተር ደብርፅዮን ገብረሚካኤል ተዛሪቦም::
እቶም ምክትል ርእሰ ምምሕዳር ኣብ እዋናዊ ጉዳይ ጠሚቱ ኣብ ዝሃብዎ መግለጺካብ ጋዜጠኛታት ንዝተልዓሉ ሕቶታት ምላሽ ሂቦም::
ኣብ ጉዳይ ሰላም ኢትዮ ኤርትራ ብዝምልከት ኣብ ዝሃብዎ መብርሂ: ፕሬዚደንት ኤርትራ ኢሳያስ ኣፈወርቂ ናብቲ ክልል ዶብ ከፊቶም ብመኪና እንተመፂኦም ክንቕበሎም ኢና: ነባሪ ሰላም ኣብ ሞንጎ ክልቲኣን ሃገራት ክመፅእ ንምግባር ትካላዊ አስራርሓ ምዝርጋሕ የድሊ ኢሎም::
