ሕብረት ኣውሮጳ ነቲ ኣህጉር ዝኸውን ቀረብ ክታበት ቫይረስኮሮና ንምውሓስ ሰደድ ደው ከምዘብል ኣፍሊጡ

ሕብረት ኤውሮጳ ኣብ ውሽጢ ሃገራቱ ዝፈሪ ክታበት ኮቪድ ንሽዱሽተ ሰሙን ናብ ካልኦት ሃገራት ከይሽየጥ ዝኽልክል መምርሒ ከውጽእ ይዳሎ`ሎ- እቲ ስጉምቲ ዝውሰድ ዘሎ ነቲ ኣብ ውሽጢ ሃገራት ኤውሮጳ ኣሎ ዝብሃል ሕጽረት ንምቅላል ምዃኑ ተሓቢሩ`ሎ።

ብዙሓት ሃገራት ብፍላይ ከማርራ ዝጀመራ-ብሪጣንያዊ ሽወደናዊ ፋብሪካ መድሃኒት ኣስትራ ዘንካ ናብ ኤውሮጳ ዘከፋፍሎ ብፍርቂ ምስ ኣጉደሎ`ዩ።

እቲ ኩነታት ነቲ ኣብ መንጎ ሕብረት ኤውሮጳን እንግሊዝን ዘሎ ውጥረት ዝያዳ ከየኽርሮ ተሰጊኡ`ሎ።

ብኻልእ ዜና ሆንግ ኮንግ፡ ሓደ ጽዕነት ክታበት ፋይዘር ባዮን ተክ ኣብ ኣተዓሻሽግኡ ጉድለት ስለዝረኣየት ምቕባል ደው ኣቢላቶ`ሎ- ።

ምስዚ ብዝተሓሓዝ ኣብ ብራዚል ፕረዚደንት`ታ ሃገር ኣብ ምክልኻል ኮሮናቫይረስ ዕቱብ ስጉምቲ ክውሰድ ዝጽውዕ ሰልፊ ተኻየዱ።

እቲ ቫይረስ ክሓልፍ`ዩ ዝብል መግለጺ ዝህብ ፕረዚደንት ጃየር ቦልሶናሮ፡ ክሳብ መወዳእታ`ዚ ዓመት፡ ንኹሎም ብራዚላውያን ዝኸውል ልዕሊ 500 ሚልየን ክታበት ክህልወና`ዩ ኢሉ። እንተኾነ እቲ ፕረዚደንት ኣብ ቫይረስ ኮሮና ዝጸንሖ ኣረኣእያ-ነቶም ዜጋታት እኹል ምትእምማን ክፈጥረሎም ኣይክኣለን።