ሕብረት ሰብኣዊ መሰላት ኢትዮጵያ ዝተባህለ ትካል ኣብ እዋን ምርጫ ዘጋጥሙ ጥሕሰት መሰላት ንምክልካልን ንምንካይ ይሰርሕ ምህላው ገሊጹ

ኣብ ታሪኽ ምርጫ ኢትዮጵያ ንዘጋጥሙ ዝነበሩ ግህሰት መሰላት ኣብ ሻድሻይ ዙር ምርጫ ኢትዮጵያ ንከይድገሙን፣ መጠኖም ንክንክዩ ይሰርሕ ከምዘሎ ሕብረት ሰብኣዊ መሰላት ኢትዮጵያ ዝተባሃለ ትካል ገሊጹ።

ኣብ እዋን ምርጫ፣ ካብ ምጉዳል ኣካል ክሳብ ምጥፋእ ህይወት ዝበጽሑ ጸገማት ከምዘጓንፉ ዝጠቀሰ እቲ ትካል፣ ነዞም ጸገማት ንምእላይ ሓጋዚ እዩ ንዝበሎን "ምርጫን ሰብኣዊ መሰላትን" ዘርእስቱን ሲቪካዊ ማሕበራት ዝሳተፉሉን ስልጠና ኣብ ምሃብ ከምዝርከብ ጠቂሱ።

እቲ ኣብ ሃዋሳ ይካየድ ዘሎ ስልጠና፣ ካብ ደቡብን ሲዳማን ዝተወከሉ ሲቪካዊ ማሕበራትን ዜጋታትን፣ ግቡኦም ንክዋጽኡ ከምዝተሓተቱ’ውን ተፈሊጡ ኣሎ ።