ፕረ.ዘለነስኪ ምስ ትራምፕ ከምዝራኸቡ ይግለጽ ኣሎ

ብሰንኪ ሩስያ ኣብ ልዕሊ ዩክሬን ዝፈጸመቶ ወራር ውጥረት ኣብ ዝበርተዐሉ እዋን፣ ዶናልድ ትራምፕ ምስ ፕረዚደንት ቭሎዶሚር ዘለነስኪ ንክራኸቡ መደብ ተታሒዙ ኣሎ።

ምስ ትራምፕ ንምርኻብ ዝሓተተ ፕረዚደንት ዘለነስኪ ከምዝኾነ ውን ተፈሊጡ'ሎ። ቅድሚ’ቲ ሎሚ ኣብ ኒውዮርክ ዝተፈጸመ ርክብ፣ ዘለንስኪ ምስ ምክትል ፕረዚደንት ካማላ ሃሪስ’ውን ተዘራሪቦም እዮም።

ርክብ ትራምፕን ዘለነስኪ መዓልቲ ፕረዚደንታዊ ምርጫ ኣብ ዝተቃረበሉ እዋን ሓያል ትጽቢት ዝግበረሉ ኮይኑ ኣሎ።

ዘለንስኪ ምስ ጋዜጣ ዘ ኒውዮርከር ኣብ ዝነበሮም ቃለ ምልልስ "ትራምፕ፣ ንውግእ ዩክሬን ኣይተረደኦን" ከምዝበሉ’ውን ዝመጸና ዜና ሓቢሮም።