ውዱብ ጥዕና ዓለም ተመሓላለፍቲ ሕማማት ሰባትን እንሰሳን ብብዝሒ ኣብ ኣፍሪቃ ይረኣ ምህላው የጠንቅቕ

ኣህጉር ኣፍሪቃ፣ ከም ፈንጣጣ ህበይ ዝኣመሰሉ ካብ እንስሳታት ናብ ሰባት ዝመሓላለፍ ዓይነት ቫይረስ ኣብ ዝለዓለ ሓደጋ ትወድቅ ከምዘላ ውድብ ጥዕና ዓለም ገሊጹ።

ውድብ ጥዕና ዓለም ጨንፈር ኣፍሪቃ ትማሊ ሓሙስ ኣብ ዘውጸኦ መግለጺ ከምዚኦም ዝበሉ ሕማማት፣ ቅድሚ 10 ዓመታት ካብ ዝነበረሉ ኩነታት ብምንጽጻር ሎሚ ብ63 ሚእታዊት ከምዝናሃረ ይሕብር።

ዳይረክተር’ቲ ጨንፈር ዶ/ር ማጺድሶ ሞቲ "ኣፍሪቃ መመንጨዊት ሓደሽቲ ተላገብቲ ሕማማት ክትከውንን ኣይግባእን" ኢለን።

እቲ ቫይረስ ብብዝሒ ዝተራእየለን ሃገራት፣ ዴሞክራሲያዊት ሪፐብሊክ ኮንጎን ናይጀርያን ኮይነን ኣለዋ።