ዳይሬክተር ውድብ ጥዕና ዓለም ንግጭት ሓማስን እስራኤልን ሓቀኛ ፍታሕ ክግበረሉ ጸዊዑ

ዳይሬክተር ወድብ ጥዕና ዓለም ዶ/ር ቴድሮስ ኣድሓኖም ንግጭት እስራኤልን ሓማስ ስምምዕ ምቁራጽ ተኹሲን ሓቀኛ ፍታሕ ክግበረሉን ጸዊዑ።

ዶ/ር ቴድሮስ ትማሊ ክዛረብ ከሎ ኣብ ቓዛ ዘሎ ኩነታት" ገሃነብሳት`ዩ"ኢሉ። ኣተሓሒዙ ሓቀኛ ፍታሕ ንምምጻእ፡ እዚ ኲናት ደው ኢሉ ናብቲ “ኩሉ ዝዛረበሉ ዘሎ ምቛም ክልተ መንግስታት ክንሰግር ኣለና" ኢሉ።

ኣብቲ ኣኼባ ውድብ ጥዕና ዝተረኽበ ወኪል እስራኤል ዋሊድ ጋድባን ብወገኑ፡ እዚ ኣህጉራዊ ማሕበረሰብ ብዛዕባ`ቶም ጅሆ ተታሒዞም ዘለዉ ንዘይምግዳስ መሪጹ`ሎ፡ እዚ ድማ ንሞራላዊ ውድቀት ዝውክል ውሳነ`ዩ ኢሉ።