ክርከብ ዝኽእል መራኸቢታት

ጉጅለ ዓለማዊ  ውድብ ጥዕና ኣፍሪቃ - ኣብ ኤርትራ ናይ ስራሕ ምብጻሕ ፈጺሙ


ብዳይረክተር ስርዓተ ጥዕና ኣብ ኣፍሪቃ ዶክተር ደላንዮ ዶቭሎ ዝተመርሕ ጉጅለ ካብ 12-16 ለካቲት 2018 ኣብ ኤርትራ ናይ ስራሕ ምብጻሕ ፈጺሙ።

እቲ ጉጅለ ኣብ ኤርትራ ኣብ ዝጸንሓሉ ኣብ ሰለስተ ዞባታትን ትካላት ጥዕናን ተዘዋዊሩ ከምዝተዓዘበን ብደረጃ ዓለም ክሳብ 2030 ዓ.ም ክትግበር ተወጢኑ ዘሎ ሸቶታት ነባሪ ምዕባለን ኣተገባብርኡን ኣመልኪቱ ምስ ዝተፈላላዩ ሚኒስትራትን ሓለፍቲ ኣህጉራውያን ትካላትን ተራኺቡ ከምዝተዘራረበን ኣብ ሚኒስትሪ ጥዕና ሓላፊ ክፍሊ ፖሊሲን ውጥንን ምምዕባል ዓቕሚ ሰብን ዶክተር ብርሃነ ደብሩ ምስ ድምጺ ኣሜሪካ ኣብ ዝገበሮ ቃለ መጠይቕ ገሊጹ።

ሚኒስትሪ ጥዕና ኤርትራ ሸፈነ ጥዕና ንምስፋሕ ካብ 2017-2021 ከተግብሮ ወጢንዎ ኣብ ዘሎ ናይ ሓሙሽተ ዓመታት መርሓ ስራሕ ንምግምጋም ዝዓለመ ዓውደ ዘተ ተኻይዱሉን ሃናጺ ሓሳባት ከምዝተዋህበን ዶክተር ብርሃነ ደብሩ ኣረዲኡ።

ኣብ መወዳእታ እታ ጉጅለ ሸቶታት ነባሪ ምዕባል ክዕወት ኩለን ዝምልከተን መንግስታውያንን ኣህጉራውያን ትካላት ብሓባር ክሰርሓ ከምዝግባእ ኣስሚራትሉ።

ምሉእ ትሕዝቶ ኣብዚ ምስማዕ ይክኣል።

ካብ ቤት ጽሕፈት ዓለማዊ  ውድብ ጥዕና ኣብ ኣፍሪቃ ዝመጸት ጉጅለ ኣብ ኤርትራ ናይ ስራሕ ምብጻሕ ኣካይዳ
please wait

No media source currently available

0:00 0:07:49 0:00

መውሃቢ ርእይቶ ኣብ ፈይስቡክ

ኣብዚኣ'ሞ

መገሻ ፕረ. ኢሰያስ ኣፈወርቂ ናብ ኢትዮጵያ

እዚ ሳይንቲፊካዊ ዘይኮነ መዐቀኒ ህዝባዊ ርእይቶ፤ ንርእይቶ ወሃብቱ ጥራይ እዩ ዘመልክት

XS
SM
MD
LG