ዋሽንግተን —
ኣብ ኢትዮጵያ ክልል ኦሮምያ ቅትለትን ናይ ተቓውሞ ሰልፊን ዕለታዊ ዝስማዕ ዘሎ ተግባራት ኮይኑ’ሎ።
ኣብ ዞባ ምዕራብ ሃረርጌ ወረዳታት ሃዊ ጉዲናን ዳሮ ለብን 29 አባላት ማሕበረሰብ ኦሮሞ ከምኡ’ውን 32 አባላት ማሕበረሰብ ሶማሌ ከምዝተቐትሉ ኣብ መንጎ አካላት መንግስቲ ክልቲኣን ክልላት ምፍጣጥ ከምዘሎ ካብ ዝተፈላለዩ ወገናት ዝወጹ ሓበሬታታት ይሕብሩ።
ክልቲኦም ክልላት በቲ ተግባር ሓደ ነቲ ሓደ ክኸስስ ከሎ ቀዳማይ ሚንስትር ሃይለማርያም ደሳለኝ ነቲ ኣብ ልዕሊ ተወላዶ ሶማሌ ዝተፈጸመ ቅትለት ጅምላዊ ቅትለት እዩ ኢሎም ኣለው። ኣብ ክልል ኦሮምያ’ውን ተቓውሞ ንዝሓለፈ ልዕሊ ክልተ ዓመት ክኻየድ ምጽንሑ ይፍለጥ።
