ፕረ.ትራምፕ ኣብ ልዕሊ ሜክሲኮን ካናዳን ሓድሽ ናይ 25% ቐረጽ ኣንቢሮም

ፕረዚደንት ትራምፕ ካብ ክልተ ዝዓበያ መሻርኽቲ ንግዲ ሜክሲኮን ካናዳን ንዝኣትው ኣቑሑት ሓድሽ ናይ 25 ሚእታዊት ቐረፅ ሎሚ ሰሉስ ኣንቢሮም። እዚ ዝኸውን ዘሎ እተን ጎረባብቲ ሃገራት ከምቲ ፕረዚደንት ዶናልድ ትራምፕ ዝሓተትዎ ዘይሕጋዊ ስደትን ዘይግቡእ መደንዘዚ ዕጽን ናብ ኣመሪካ ንኸይውሕዝ ከም ዝገትእ ንዝሕብር መርትዖ ዕሽሽ ብምባል ኢዩ።

ፕረዚደንት ዶናልድ ትራምፕ ነቲ ወሰኽ ቐረፅ ወግዓዊ ዝገበሩ ቅድሚ ሓደ ወርሒ ነይሩ። መራሕቲ ካናዳን ሜክሲኮን ንሕቶ ፕረዚደንት ትራምፕ ንምምላእ ስጉምቲ ከም ዝወስዱ ድሕሪ ምሕባሮም ግን ትግባረኡ ተዳናጉይ ጸኒሑ'ዩ። ትማሊ ሰኑይ ንጋዜጠኛታት ዝተዛረቡ ትራምፕ "ንሜክሲኮ ኾነ ንካናዳ ዝተርፍ ኣይኮነን’’ ክብሉ እቲ ቐረፅ ግብራዊ ከምዝኸውን ሓቢሮም።