ኣገልግሎት ኩነታት ኣየር ኣመሪካ ንሓያል ንፋስን በረድን የጠንቅቕ

ሃገራዊ ኣገልግሎት ኩነታት ኣየር ኣመሪካ ኣብ ገለ ክፋላት ቴክሳስ፡ ሉዝያናን ኣርካንሰስን ሓያል ንፋስ፣ ብርቱዕ በረድን ምናልባሽ’ውን ህቦብላዊ ዝናብን ክሃርም ይኽእል’ዩ ክብል ኣጠንቂቁ።

እዚ መጠንቀቂ’ዚ ይቃላሕ ዘሎ ብሰንኪ’ቲ ምልውዋጥ ኩነተ ኣየር (ክሊማ) ኣብ መዕርፎ ነፈርቲ ዳለስን ህዩስተንን ልዕሊ 100 ነፈርቲ መደበን ድሕሪ ምስራዙን ምድንጋዩን እዩ።

ብሕልፊ ኣብ ሞንጎ ዳለስን ህዩስተንን ዘሎ ዞባታት፣ ደቡባዊ ኣርከንሰስን ምዕራባዊ ሉይዝያናን ኣብ ጽልዋ’ቲ ሓደገኛ ኩነታት ኣየር ከምዝወድቕ እቲ ሃገራዊ ኣገልግሎት ኩነተ ኣየር ኣፍሊጡ ኣሎ።